Нальчикерчу коллегийн агIолаьцначу адвокаташна изоляцин хьал талхорна гIуданаш тоьхна
Лецначех цхьамма, Селезнева Екатеринас, шаьш лецар нийса дац, Оьрсийчоьнан низамаша магадо цхьалха пикет хIотто, элира"Кавказ.Реалиин" корреспонденте. Шаьш кхаа сахьтехь сов кхебира полицин декъехь, тIе ца буьтуш, бехха латтийра шайна тIаьхьабаьхкина адвокаташ а, боху Селезневас.
Мангал-беттан 14-чу дийнахь оццу полице, Iедало магийна йоцу акци хIотторна гIудатохарх долу кехаташ дIаэца, тIекхайкхина адвокаташ. Шаьш юхатIедаха декхаредар а дац низамехь, чIагIдо Селезневас.
Хьалхо Нальчикерчу кхело дов айдира цигарчу шина адвокатна дуьхьал, дихкира гIалара дIасабовла – Жилоков Ратмирна а, Ципинова Дианина а. Полисхошна гIелоярна бехкебо уьш. Ткъа адвокаташа дIахьедина, полисхой тIелетта шайна, аьлла.