Коронавирусан пандемина тIехула дозанаш къевлинашшехь, "Аэрофлотан" кеманаш севцца а дац
Дийцарехь, карарчу хенахь "Аэрофлото" рейсаш еш ю Москвара Франкфурт-на-Майне а, Париже а, Лондоне а, Нью-Йорке а, Сеуле а, Тель-Авиве а, Ницце а, Барселоне а, Риме а. Дуьненаюкъара и пассажирийн рейсаш кхочушйо киранан рейсаш санна аьлла, дийцина хаамийн гIирсе авиакомпанин шина белхахочо. Росавиацин пурбанца духкуш ду билеташ а, ткъа мах лакхара бу. Цул совнах, Европе дозанаш къоьвлина хиларна, и билеташ эца таро ю, оцу мехкашка баха бакъо йолчийн: Евробертан бахархойн, я цхьана ханна цигахь хан яккха бакъо йолчийн.
"Аэрофлотан" билеташ оьцучу системан информацица, РБК-с яздо, Москвара Нью-Йорке ваха мегаш ду Мангал-бутт бовш дуьйна. Иштта, авиакомпанин сайта тIехь дохка долийна Марсхьокху-беттан 1-чу дийнера дуьйна Нью-Йоркера Москва юхаван билеташ а цхьана.
Коронавирусан эпидемина тIехула Евроберто Зазадокху-бутт юккъе баьллачу хенахь дозанаш дIакъевлира. Товбеца-беттан 1-чу дийнера дуьйна шен-шен муьрехь схьаделла долор ду дозанаш.