Туркойчохь кхин а 121 стагана велла дIаваллалц набахтехь яккха хенаш тоьхна
Белла дIабовллац набахтехь яккха хенаш тоьхна Хонкарарчу кхело 2016-чу шарахь Iедал карчон гIоьртинчу 121 стагана аьлла, хаам бина пачхьалкхан Анадолу агенталло. "Шогачу хьелашкахь" хан йоккъур ю 86 стага, уьш конституци йохо гIортарна. Изза сацам бина вукху 35 вахархочун хьокъехь а, амма юкъарчу хьелашкахь латтор болуш бу уьш. 121 стаг бехкевина Хонкарарчу жандармерин штабана тIелатарна а, Iедална карчам бан гIортарна а.
ТаIзар кхайкхийначарех цхьана полконикна велла дIаваллалц шогачу хьелашкахь яккха исс хан кхайкхийна , цо "стаг верна". Цунна бехке диллина, полицин антитерроран декъан командир а, цуьнан хадархо а вен кхайкхорна.
Полковникна гIоле хиллера къизачу чевнех, ткъа цуьнан хадархо веллера.
Белла дIабовллалц набахтешкахь яккха хенаш тоьхна пачхьалкхехь путч ян гIортарна 1 934 стагана.
Туркойчоьнан Iедало 6000 стаг лаьцна шаьш аьлла, дIахьедира, махкахь карчамбан гIортарна бехкевеш. Пачхьалкхан хьукаматаш кхидIа а «уьнах цIанйийр» ю, аьллераа Истамулехь тезетахь къамелдеш президенто Эрдоган Тайипа.
Iамеркахь тховкIелонехь веха оппозиционер-Iеламча Гюлен ФетхуллахI карчам кечбинарг лору туркойн Iедало.
Лецна махкахь 50 инарла а, лаккхара эпсар а. «ЦIанонан операци» ю дIахьош, аьлла оцу хьокъехь юстицин министро Боздага Бекира. 245 стаг велла карчамхойх а, царна дуьхьаллаьттинчех а, боху Iедалхоша.