Пандеми - Оьрсийчоь: 7 эзарнал лахара ду дараш
![Пандеми - Оьрсийчоь: 7 эзарнал лахара ду дараш](https://gdb.rferl.org/2E2F6257-49B0-4798-9949-4A24C8418D70_w800_h450.jpg)
Оьрсийчохь дийнахь-буса коронавирусах цомгуш хилла 6736 стаг. Цул хьалхарчу дийнахь Оьрсийчоьнан уьнна дуьхьалоечу Оперативан штабо гайтинчу терахьал лакхара ду и терахь. Велла тIаьххьарчу дийнахь-буса уьнах 134 стаг, товелла 3 эзар сов.
Пандеми яьржичхьана схьа Оьрсийчохь цомгуш хилларг ву 680 сов вахархо, товелла царех 450 сов стаг, кхелхина 10 эзар сов.
Федералан штабанний, регионашкарий статистика галморзахъюьйлу кест-кеста – иза барамаш лору методика кеп-кепара хиларца дузу Iедалхоша (коронавирус баларийн коьрта бахьана лерина дацахь, велларг ца язво пандемин дарийн могIара).
10 де ду дийнахь-буса Оьрсийчохь тIекхуьучу дархойн барам 7000-нал лахахь лаьтта. Москвахь и терахь лаьтта 1000-нал лахахь.
Хопкинсан университетан информацица, Оьрсийчоь, хьалха а санна, кхоалгIачу меттехь ю коронавирус яржарца. Амма оцу метте кхаьчна хила тарлуш ю кIиранденна ХIиндойчоь.