Оьрсийчоьнан чоьхьарчу гIуллакхийн министралла: зуламаш кIезиг дечу мехкийн могIарахь шолгIаниг ю Нохчийчоь
Ткъа зуламаш дар массанхьачул а марсадаьллачу мехкех ю Новгород а, Смоленск а. Кхуьуш ду зуламаш дар Чукоткехь а, Ивановохь а, ГIалгIайчохь а.
Хьалхо ГIалгIайчоьнан куьйгалхочо Калиматов Махьмуд-Iелас дIахьедира, Къилбаседа Кавказехь юкъарчу хьесапехь дечу зуламел вуно кIезиг до зуламаш ГIалгIайчохь, аьлла.
2019 шо дерзале болчу беттанашкахь Оьрсийчоьнан Инарла прокуратурин векало Куренной Александра дIахьедира, Нохчийчохь а, Къилбаседа ХIирийчохь а уггаре лакхара ду зуламаш кхиаран болар, аьлла. Оццу мехкийн могIарахь ехира цIерш ГIезалойчоьнан а, Адыгейн а.