МаьлгIабекан вахархочунна 9 шо хан тоьхна тIемалойн тобанах хиларна
Талламан версица, 2013-чу шеран Iай "Кавказ Имаратерчу" "ГIалгIайчоьнан виллаятах" дIакхетта Богатырев. ТIахьо дIавахана Туркойчу, цигара – Шема. Цигахь 2018-гIа шо тIекхаччалц лелла тIаме нах гулбеш, ткъа ГIалгIайчу юхавеъча, цуьнгахь карийна оьккху коьчал, боху талламо.
Къилба федералан тIеман кхелан пресс-гIоьнчаллин белхахочо Мищенко Викторияс бахарехь, Богатырев къера хилла шена тIебаьхьначу бехканна, шозза гулбала бен ца оьшуш, дерзийна дов кхелахоша.
Оьрсийчуьрчу бакъоларъярхоша дийцарехь, Шемарчу тIамера юхабаьхкинчу нахаца харцонаш лелайо Iедало. Иштта ду цара Европан адамийн бакъонашкахула йолчу кхеле хьийсаде аьрзнаш а.