Социалан машанашкара 112 миллион аккаунт лачкъийначу Никулинна кхел ю еш Америкехь
Сан-Францискерчу бехкькъасторхойн жюрино бакъдина Никулина интернетера сервисаш а йостуш, 112 миллион нехан аккуанташ лачкъийна хиларх долу талламан жамI. Штаташкарчу говзанчаша тоьшалла дарехь, пачхьалкхан исторехь уггаре Iаткъаме къола ду Никулина динарг.
Оьрсийчоьнан вахархо Никулин Евгений лецира 2016-чу шарахь Интерполехула Чехин коьртачу шахьарахь Прагехь. Цо тховкъело йийхира Чехига, амма 2018-чу шарахь иза Штатийн каравелира. Оьрсийчоьно а дийхира хIетахь иза шен даймахка дIавахийтар.