Таймусхановс "даIишхойн могIарш дузар" тIечIагIдина кхело
Мангал-беттан 8-чохь Ростоврчу тIеман кхело терроризманна бехке а вина, Таймусханов 6 шарна набахте хьажорах яздира Кавказ.Реалиино. Цуьнан адвокато арз динера Къилбаседан гонашкарчу тIеман кхеле, амма Апелляцин тIеман кхелан коллегино ша ма-хиллара битина хьалхарчу кхелехь бина сацам аьлла, дийцина "Кавказский узел" агенталле кхелан белхахочо.
Апелляцин кхеле Гезгамашин-беттан хьалхарчу дийнахь чуделлера Таймусхановн цIарах арз.
Карладоккху, талламчийн версица, 2015-чу шеран Марсхьокху-баттера 2016-чу шеран Гезгамашин-батте кхаччалц шена вевза накъост "Исламан пачхьалкх" шех олучу тобанан могIаршка ийзош хиллера цо.
Таймусхановс шена дохку бехкаш тIе ца дуьту. Лацале хьалха Волгоградехь вехаш вара иза.