Степанакерт ракеташна кIел – барт бина де а далале
Шоьтан дийнан делкъехь сацо безаш бара агIонаша тIом, Москвахь хиллачу бертаца а догIуш. Амма яхначу буса Карабахан коьртачу шахьарна Степанакертана тIе ракеташ йиттина, хаам бо информацин агенталлаша.
Эрмалойн сепатистийн анклаван куьйгалло Азербайджан бехкейо Карабахерчу масийтта гIаланна тIе герзаш деттарна.
Сийсара сарахь Эрмалойчоьнан арахьарчу гIуллакхийн министра бехкбиллина Азербайджанна барт бохорна. Ткъа Азербайджанан тIеман министралло а дIахьедина Эрмалойчоьно ракеташ йиттина шайн Гянджа гIала, аьлла. Оцу гIалахь белларш а бу маьршачу бахархошлахь, боху баьржинчу хаамаша. Эрмалойн арахьарчу гIуллакхийн министралло, иза дезинформаци ю, Азербайджан къайладаьхьа гIерта ша тIом сацош бацар, аьлла.