Зорбан-сервисан хьаькам дIаваьккхина Дагестанехь интернетехь посташ хIитторна
"Эрболатов Уллубийс социалан машанашкарчу шен агIона тIехь гуш-хезаш хIуманаш яздина, пачхьалкхан Iедалша а, цхьана куьйгалхочо а бечу белхан мах хадош", - аьлла ду Халкъан гуламан сайта тIехь, хаам бо Кавказ.Реалиино.
Бинчу хаамца а догIуш, Эрбулатовс оцу кепара дохийна пачхьалкхан а, гражданийн а сервисах лаьцна Оьрсийчоьнан Федерацин низам.
Цкъачунна иза балхана юьстахваьккхина, таллам чекхбаллалц аьлла. Таллам чекхбаьллачул тIаьхьжа? жамIашка хьажжина даржах вохо мегаш ву Эрбулатов.
Хьалхо социалан машанашкахь ларлуш хиларе кхайкхинера Дагестанан муфтийн гIовса Салимов Iаблуллас. "Цхьамма цхьаъ яздо шена хеташ долу ца оьшург. Ши де даьлча вайна го иза, корта а олиийна, бехк ца биллар доьхуш", - билгалдаьккхира цо.
Оьрсийчоьнан бахархоша интернетехь дуьтучу йозанашкахь "терроризман пропаганда а, иза бакъяр" а го сих-сиха низамашлардон органийн белхахошна. Дукха хан йоццуш, и бахьана долуш, цхьа шо хан а тоьхна, набахте хьажийра ГIалгIайчуьра яхархо Коттаева Хадишат.