Хангошвили вийначу дийнахь Берлинехь цуьнца цхьанакхета дагахь хилла Саакашвилин хIусамнана
Шен оцу Iалашонах лаьцна талламхошка телефонехула дийцина ша Рулофс Сандрас. Deutsche Welle зорбан гIирсо бинчу хаамца, тоьшаллаш дан Германе ян ца лиъна цунна. Рулофс иштта реза ца хилла талламхошца ша динчу къамелан чулацам бовзийта. Хууш дац иштта хIун Iалашо хилла оцу цхьаьнакхетаран.
Рулофсца хила дезаш долчу цхьаьнакхетарал а сов, талламан векалша ГIуран-беттан 9-хь хиллачу кхелан кхеташонехь тIечIагIдина 2012-чу шарахь Оьрсийчоьнан Федералан кхерамазаллин сервисо (ФСБ) Германин Федералан зулам-девнаш къасторан урхалле деллачу 19 стеган цIе тIехь йолчу тептарна тIехь Хангошвилин фамили а хилла хилар.
Берлинерчу талламхочо билгалдаккхарца, Хангошвили ша цхьаъ вац оцу нахана юкъара, шен Ӏожалах цавелларг.
Берлинерчу оцу кхелан процессехь хьалхо федералан прокуроро Рональд Георга дIахьедина ма хиллара, "вийнарг дIаваккхаар" Iалашо цунна хIоттийна хилла Оьрсийчоьнан Федерацин Iедалан цIарах. Кремло иза тIе ца дуьту.