Хасаров ШаIрани. ТIеман мукъамаш
ТIеман мукъамаш
Йоккха топ кхийти сан эвла,
Йоккха топ кхийти сан дагах.
Йохий цо декъаза сан эвла.
Даьккхи цо доккха гар сан дагах:
Ца торчу тезето ков дилли.
Новкъара сан илли чудиги.
Син метта кхийти йоккха топ,
Iожаллин кхойкхуш со шуьне.
Хиндолчу сан ирсан боккха поп
Ларбан ца тиги хьо, кIайн дуьне:
Даьккхинчу орцано дIадиги
Iаьржа маж йитина сан илли.
1995 шо