Хасаров ШаIрани. Хьо-м хьаха хиллера адам...
![Хасаров ШаIрани. Хьо-м хьаха хиллера адам...](https://gdb.rferl.org/28B0C9FE-1726-4E95-A10B-AF79A2B96493_w800_h450.jpg)
***
Хьо-м хьаха хиллера адам.
Хьо-м хьаха хиллера зуда хирг
Къонахий къонахий хиллехь,
Со ца тиллехь.
Тилла, кху дуьненан архаша
Гура а лаьцна,
Ваьцча,
И гур а гур ца карийра,
Вацар а эрна карийра.
Дахаран хиллера бегаш
И
Со ца кхеташ.
Хьо-м хьаха хиллера адам.
Хьо-м хьаха хиллера зуда хирг
ХIумма а тIаьхьа ца хиллера
Кху дуьненчохь.
ЖовхIар дIадиллина хиллера.
Карий и дIадиллинчунна
ДIадиллинчохь –
Дагчохь.
Хьалхачул бIаьргашна гин са.
ХIинца
Воьлла со ирсана пис
Дерриг а кху денна дитинчу,
Кхин мел дерг дерриг а нисдинчу
Дахаро нис ца вахь
Шен пхьалгIахь.
Хьох иддарг хиллера-кх и со - ирс.
Хьо-м хьаха хиллера зуда хирг!
1993 ш.