Хасаров ШаIрани. Лулахойн бешахь
![Хасаров ШаIрани. Лулахойн бешахь](https://gdb.rferl.org/EC5D6307-3D61-48E8-BC26-325F92990E93_w800_h450.jpg)
Лулахойн бешахь
Мотталой хьуна суо веза,
Елалуш аьлча ахь дош
Воьрзура лулахойн бешахь
Дуьтий со кийрара дог.
ЦIийделла догIун и Iежаш
Суна а дохура ахь.
Лоькхура гIалара эшарш,
Лепош малх беснешна тIехь.
БIаьста а цу беша воьду.
Гурахь а цигахь ву со.
Зарздоьлла можа гIаш хьоьшу
Я гонах кIайн заза го.
Цхьаммо а со тIе ца воьху,
Iежаш а ца кхийдадо.
Цкъа хилларг, хуьлий, дIадоьду.
Хан юха ерза ца ло.
1974 ш.