Уггаре боьха экологи йолчу регионех ю Къилбаседа ХIирийчоь
2018-чу шеран жамIаш гойтуш, экологин рейтинг хIоттийна Оьрсийчохь, пхеа аутсайдершлахь ю Къилбаседа ХIирийчоь.
Рейтинг хIоттийнарг ю Аналитикан кредитан рейтинган агенталла (АКРА), хаам бо РБК-но.
Къилбаседа Кавказерчу мехкашлахь тоьлла хьал ду экологица Нохчийчохь – 14-чу меттехь ю иза Оьрсийчоьнан регионашлахь. 24-гIа меттиг кхаьчна Дагестанна.
Хьалхо баьржина хиллачу хаамца, дIадахначу шеран бIаьста Къилбаседа ХIирийчохь дарж дитира маьIданийн а, экологин а министра Мамиев Чермена – иза бехкевира даржо лучу бакъонел совваларна а, мохк нехех баьккхина хиларна а.