Еллачу нанна тIехь коммуналах дисина ахча ялх шо долчу берера дIадехна Новосибирскехь
Новосибирскехь "Сибиран йовхонан-энергетикан компанино" ялх шо долу йоI елла кхеле, цуьнгара 26 эзар сом даккхар доьхуш. Оццул ду 2016-чу шарахь пехийн лазарх еллачу беран нанна тIехь чоьнаш йохъярх дIадалаза дисина ахча хаам беш ю Сибирь.Реалии.
ОТС телеканало бахарехь, нана еллачул тIаьхьа петарх дакъакхаьчна цунна, ненанненаца а, цуьнан хиллачу майрачуьнца а цхьаьна. ЙоьIан ненавашах "Подъём" газете дийцина, доьзалан адвокат лаца ахча дац хьал кхелехь листийта, аьлла. Цо арздина Новосибирск-мехкан берийн бакъонаш тергалъечу хьаькаме Болтенко Надеждига, амма шега ца деана, боху.
"Вести Новосибирск" газето бечу хаамца, пIераскана кхело сацам бина жоьпаллах йоI мукъа а йоккхуш, декхар кхечунна тIеяздан. ХIинца ахча охьадилла декхаре вина низамо вуьззина верас лоручу йоьIан да.