Къилбаседа Кавказехь терроран кхерам лахбелла аьлла Росгвардин буьйранчас
"ФСБ-н а, Чоьхьарчу гIуллакхийн министраллин а, Росгвардин а оперативан балхо шен хенна дIаюкъу уьш", – аьлла Золотовс гIеранех дерг довзуьйтуш ша ТАСС агенталле еллачу интервьюхь.
2018-чу шарахь дуьйна Росгварди дуьхьаллаьтта Шемарчу терроран кхерамна, цигахь пайдаоьцу IаIийначу зеделлачух, боху цо.
Къилбаседа Кавказерчу цхьаьнатоьхначу эскарийн декъан коьртехь ю Росгварди 2017-чу шарахь дуьйна.
Зазадоккху-баттахь ФСБ-н директора Бортников Александра дIахьедира, Къилбаседа Кавказехь "бандгIеранаш доккхачу декъанна хIаллакйина", аьлла.
Дечкен-баттахь байъира Бютукаев Асланан тобанера декъашхой. 2013-чу шарахь Iедало низамехь лоруш йоцчу "Кавказ Имарантан" буьйранча Умаров Докка вийча, нохчийн тIемалошна коьрте хIоьттина вара Бютукаев.