Мархийн баттахь мехашна тIехь терго латто комисси кхоьллина ГIалгIайчохь
Мархийн баттахь юучунна мехаш тIедеттий хьоьжуш, таллам латтон ГIалгIайчохь лерина комисси хаьржина. Цуьнан декъашхоша денна туьканашка, базарашка а лелаш, толлур ду мехаш, дийцина меттигерчу индустрин а, терахьийн а кхиорехула волчу министро Плиев Мусас.
Цо бахарехь, урхаллан сайтехь зорбане дохур долуш ду мониторинган хила жамIаш.
"Кхача-сурсаташна некъах даьлларг а цхьана тIедеттачу кхечу регионашкара чуоьхучу йохкархошца йоьзна ю проблема. Цундела, бух боцуш мехаш тIедеттаран гурашкахь юьртбахаман продукци юхкуш ярмаркаш хIиттор ю меттигехь сурсаташ кхиочара", - хаам бина Плиевс.
Туьканашкахь а, базарашкахь а, кхачан-сурсатийн мехаш мархийн безачу Рамадан баттахь тIебеттахь, бахархошка шайга арз де аьлла телефонан лини схьайиллира Малгобекехь дахначу шерашкахь.