12 шо хьалха лачкъийначу нохчочун нанна 60 эзар евро дала декхарейина Оьрсийчоь
Соьлжа-ГIалахь Сайдахмадов Асланбек вайнийла бакъоларъярхошна хиина 2012-чу шарахь. КIентан нанас дийцина, кхо шо хьалха бевзаш боцчара петарара ара а ваьккхина, машена а хаийна, дIавигира иза, аьлла.
Нохчийчоьнан чоьхьарчу гIуллакхийн министраллин урхалла ца толлуш хьийзина хилларг, ткъа айдина хилла гIуллакх дIакъевлина тIаьхьо. Иштта нисделла, Сайдахмадов Астраханера Соьлжа-ГIала а валийна, цуьнга ша вадийна вацара, шен гергарчаьргахь вара бахийтинчул тIаьхьа.
Хан ялалале юха а вадийна Асламбек, вайна, "стаг вер" олу бехктакхам айбина. Талламхошка даредина цуьнан дейишас, кIанта ша вадийнера, Соьлжа-ГIаларчу ОМОН декъан гIишлошкахь кхебира, цигара шен вада аьтто балла бохуш дийцира, аьлла. Цул тIаьхьа кхин цхьа а хаам ца карийна вайначун хьокъехь.
20I7-чу шарахь "Iазапна дуьхьалояран комитетерчу" бакъоларъярхоша арз хьажийна Европан адамийн бакъонашкахула йолчу кхеле. Масех шарахь ша дов листина даьккхича, хаийтина Страсбурго шен сацам: Сайдахмадовн ваха йолу бакъо эшийна, ткъа цуьнан нанна дуьхьалдаьккхина Iазап.
Жима стаг хьан вадийна, хьан вийна хила тарло къастонза ду хIинца а, боху бакъоларъярхоша.
Кхушеран бIаьста лаххара а 92 стаг лачкъийна хилла. Царех цхьаберш карийна я мукъабевлла тIаьхьо. Шаьш полицино идийна хиллийла хаийтина цара, амма хан яьлале, иза бакъ дац, полицино ца лечкъийнера шаьш, аьлла. Бакъоларъярхоша чIагIдарехь, и тайпа дIахьедарш полицино ницкъаша дойту ша идочу нахе.
ДIадахначу кIиранах "Грозный ТВ" телеканало 35 минотах лаьттачу репортажехь гайтира "ядорах кIелхьаръяьккхина" Соьлжа-ГIалара яхархо Тарамова Хьалимат. Иза къайлаяьллачу ХIинжа-ГIаларчу зударий зуламах Iалашбечу цIийне а кхаьчна, ядийна, Нохчийчуьрчу дIайигира полисхоша шаьш, елира цуьнан гергарчийн кара.