ГIаттамхошна гIо дина хила мега аьлла шеко йолуш лаьцна ГIалгIайчуьра вахархо
Несаран кIоштарчу талламан декъан белхахоша талла долийна 27 шо долчу ГIалгIайчуьрчу вахархочунна дуьхьал долийна бехктакхаман гIуллакх. Болчу хаамца, юучуьнца а, машенца а гIо деш хилла цо герзца лелачу тобанан декъашхошна. Цуьнан ц1ийнах хьожуш бомба а, граната а карийна шайна аьлла, д1ахьедина талламхоша, яздо "Кавказский узел" зорбан гIирсо.
Талламчаша чIагIдарца, 2014-чу шеран Охан-баттахьдуьйна ГIадужу-батте кхаччалц шеконашка эцначо, мехкан ши вахархо гIаттамхо вуй хуушшехь, латтош хилла цу шинна кхачанан сурсаташ, республикехула дIасалелош хилла шен машенахь. Несаран кIоштарчу Плиевохь куьйга йина оьккхуьйтург а, граната а эцначу цо, шен цIахь латтош хилла уьш полисхошна карарчу беттан 9-чохь гучуяллалц. ГIалгIайчуьрчу талламан комитетан урхаллан сайта тIехь бина бу и хаам.
ГIуллакх кхин дIа а таллархьама, лаьцна бехкевийриг.
Маршо Радионо яздира кху деношкахь, Ростов гIаларчу тIеман кхело бехке варх лаьцна ТIехьа-МартантIера Цечоев Рохьман, цо терроризм бакъйина аьлла. Цечоевна бехке диллинерасоциалан машанашкахь террорхойн дикачу агIор мах хадош роликаш зорбане яхар.