Кхин а цхьана нохчийн латархочо борзанан мидал яьккхина Олимпиадехь

Нохчийчуьрчу латархочо Хатаев Имама борзанан мидал яьккхина Токиохь дIахьочу Олимпиадин ловзаршкахь. Британхо Уиттекер Бенджамин вара ахфиналехь цуьнца тасалуш хилларг. Толам кхайкхийначул тIаьхьа Хатаевс дIахьедина, хIинццалц боксер-езархо вара ша, тIейогIучу хенахь профессионале хила гIуртур ву ша аьлла, яздина "Спорт-Экспрессо".




Хатаев Имам – латархо-марзвелларг ву, юккъерчу йозаллин категорехь тасалуш волу. Оьрсийчоьнан спортан говзанча а, чемпион а ву иза, Олимпиадехь дуьххьара дакъалоцуш а ву.


Коронавирусан пандеми бахьана долуш стохка юкъахдевлла Олимпиадин ловзарш карарчу беттан 23-чохь дуьйладелла Японин коьртачу шахьарахь Токиохь.


Маршо Радионо яздира, Товбеца-беттан 28-чохь Гуьржийчуьрчу ПаьнкIазара схьаваьлалчу, Австрин цIарах Токиохь дIахьочу Олимпиадехь тасавеллачу 26 шо долчу Борчашвили Шемала борзанан мидал яьккхина 81 килане кхаччалц йолчу йозаллин категорехь.