"Левада-Центр": Сталинна памятник хIотто реза бу Оьрсийчоьнан ах бахархой
Сталинна памятник хIотторна тIетовш бу тахана ах гергга Оьрсийчоьнан бахархой – 48%. Иза гойтуш бу "Левада-Центро бина таллам. Сталинна памятник хIотторна дуьхьал бац 20% бен бахархой, бен дIа ца хетарш бу 29%.
Социологаша билгалдаккхарехь, тIаьхьарчу 10 шарахь Оьрсийчуьрчу юкъараллина Сталинна памятник хIотторца доьзначу хаттарехь хетарг хийцаделла нисса бIостанехьа.
2000-чу шерашакахь дукхахаберш бара оцу идейна дуьхьал. Памятникана дуьхьал хилара кхаа декъах цхьана декъал а алсам болу нах (36-37%). Оцу идейна гIортор еш бара деъа декъах цхьа дакъа хиллал нах. Бисинчара гайтара шайна башхалла а ца хилар.
Дукха хан йоццуш бинчу талламаш гайтина, Оьрсийчьурчу бахархойх 39% советан заманера диктатор вуно лараме къонах хеташ хилар. Цу тайпачу талламашкахь лидер ву иза тIаьхьарчу 10 шарахь. Сталин дIаваьлча шолгIачу меттехь ву Ленин Владимир – иза уггар лараме къонах хеташ бу 32% респонденташ. КхоалгIачу меттехь ву Пушкин Александр (23%), 1оьалгIачу меттехь – Петар I (19%). Путин ву пхоьалгIа.