Американ къоман тобано уггар дукха мидалш яьхна Токиорчу Олимпиадехь
КIиранан дийнахь, Марсхьокху-беттан 8-хь, хиъна Токиохь дIайоьрзучу аьхкенан 2020-Олимпиадехь мидалаш дукха яхарца толам баьккхина тоба муьлхарниг ю, хаам бо Sport.ru зорбан гIирсо. Мидалийн чуларарехь Токиорчу Олипиадехь толам баьккхина Американ Цхьаьнатоьхначу Штатийн къоман тобано. Америкерчу спортхошо яьккхина Японехь хиллачу къовсадаларшкахь 39 дашо а, 40 дато а, 33 барзна а мидал.
ШолгIа меттиг дIалаьцна Китайн тобан декъашхоша: 38 дашо, 32 дато, ткъа иштта 18 барзана а мидал.
Олимпин ловзарийн тIаьххьарчу дийнахь Америкерчу спортхоша яьккхира 3 дашо мидал. Цу кепара Цхьаьнатоьхна Штаташ мидалийн чуларарехь хьалха елира Китайл а.
КхоалгIачу меттехь Япони ю, ткъа Оьрсийчуьрчу спортан тобано, Британина тIаьххье, дIалаьцна 5-гIа меттиг.
КIиранан дийнахь хир ю 2020-Олимпиада дIаерзоран церемони. Иза дIайолалур ю Соьлжа-ГIаларчу хенаца 14:00 сахьт даьлча.