Теракт кечйеш хилла аьлла шеконца ши стаг лаьцна ГIалгIайчохь
Талламан дехарца Сунжехь низамаш лардон органийн ши гIишло эккхийта кечлуш хилла аьлла, лаьцна ши стаг Мержоев Мохьмад а, Мейриев Микаил а, хаам бо Кавказ.Реалиино. И шиъ талламан изоляторна чувоьллина.
Мержоев а, Мейриев а лаьцна хилла Марсхьокху-беттан 31-хь, амма цуьнах лаьцна хIинцца бен ца хиъна. Хилларг дика девзачу шен хьастана тIе а тевжаш, "Интерфаксо" бинчу хаамца, ницкъаллин структурийн белхахошна хиъна и шиъ Оьрсийчохь йихкина йолчу "Исламан пачхьалкх" тобанан декъашхо хилар. Талламхойн версица, и шиъ дагахь хилла полицин ши гIишло эккхийта.
"Оцу Iалашонца, кхушара Товбеца-беттан 31-гIа де тIекхачале цаьршимма эцна цхьацца эккхийтар дан оьшу компаненташ", - чIагIдо агенталлан хьастано. Цо дийцарехь, царах оьккхуьйтарг ян аьтту бу 0,875 кила тротилан эквивалент а йолуш.
Зулам дале хьалха лаьцна и ши стаг Экстремизманан дуьхьалойон Центран а, ФСБ-н а белхахоша. Мержоевна а, Мейриевна дуьхьал толлуш ду бехктакхаман гIуллакх, "Терроран акт кечъяр" артиклехула.