Кхаа дийнахь йолчу фестивальна 36 миллион сом дойъур ду Кадыровс

Оьрсийчоьнан къилберчу къаьмнийн культурин а, спортан а фестиваль Соьлжа-ГIалахь дIаяьхьийта бюджетера 36 миллион сом хьажош Марсхьокху-беттан 31-чохь омрана куьйгъяздина Нохчийчоьнан куьйгалхочо Кадыров Рамзана. Цигахь дакъалаца тарло цхьандекъо бен къобалъязчу Абхазин спортхоша а, иштта сепаратистийн «ДНР», «ЛНР» республикаша а.


ГIирс тIехь болчу тептаре хьаьжча, фестивалехь хир бу дикка стандарте къийсамаш: армрестлинг, канат дIасаозор,  косказаш, Iад кхоссар, локхалла кхийссаваларш, штанша айбар. Оьрсийчоьнан Къилберчу къаьмнийн фестивальна лерина пхиппа бовду некъ а, велотренажер а оьцур ю. Цкъачунна къаьстина дац, къилберчу къаьмнийн ламастин спортан кепашца хIун догIу церан.


Цул совнах, 6,6 миллион сом дайъа Iалашо ю спортхошна фармакологин гIирсаш а, витаминаш а латтон.


Фестивалехь верриг а дакъалоцуш хир ву 222 спортхо – хIора хьешан цIийнехь дIатарвийриг, юург-мерг латториг дер ду бюджетера 4850 сом дийнахь, транспорт латториг 6500 сом.



Дагестанан куьйгалхочун а, Iедалхойн а администрацино iPhone 13 Pro Max эцна 163 230 сом делла. ГIирс латточу цхьангара эцна ю телефон, ткъа объектах лаьцна дийцаро дохадо хIиттийна низамаш.
Нохчийчоьнан къоман политикан а, хаамийн а, зорбанан а, информацин а министралло тендер кхайкхийна Соьлжа-ГIалахь арахьара делегациш тIеэца. 10 миллион соьмана кхаж баьллачо тIелаца везар ву 19 кхечу мехкашкара хьаша.
Стигалкъекъа-баттахь Дагестанерчу прокуратуро 12 тендер кхайкхийра, республикерчу урхаллин а, кIоштарчу декъашкара а  къайлах чоьнаш тоян. Тендерийн боллу мах бара 4,5 миллион сом.