Уггар лахара терахьаллин хаарш ду Нохчийчохь интернетах пайдаоьцучийн
Лахара терахьаллин карадирзинарг 67,6 процент ду Кхарачой-Чергазийчуьра бахархойн, 66,5 Нохчийчохь, оцу регионашкахь интернете бовла таро ерш дуккха а боллушехь. Кхарачой-Чергазийчохь 91,2%, Нохчийчохь 96,2% - цо регионийн рейтингехь 11-чу а, кхоалгIачу а меттигашка йоккху и шиъ. Денна интернете буьйлучийн лаккхара дакъа ду цигахь - 87,5% Кхарачой-Чергазийчохь а, 93,7% Нохчийчохь а (Оьрсийчохь ворхIолгIа а, шолгIа а меттигаш).
Лахара терахьаллин хаарш долчу аутсайдершлахь кхозлагIа ю Дагестан 60,7% гайтамца. Оцу юкъанна ГIалгIайчоь, лахара хааршца билгалваьлла 28,4 процент нах болу, мелхо а, лидерш евллачу регионашлахь нисъелла, Чукотскан автономин гонашна а, Мурманскан кIоштана а некъ буьтуш.
Талламбан Iалашонца Росстатан зераш тIехь билгалдаьхначу терахьаллин хаарийн мах хадийра пхеа гайтамца: информацица болх, коммуникаци, терахьаллин гIирс нисбар, онлайн-сервисех пайдаэцар, программаш латторца болхбар.
* Юкъахь ю Оьрсийчоьно аннекси йина ГIирма а, Севастополь а.
Нохчийчуьра хьехархой мехкан куьйгалхочо республикехь лелош долчух лаьцна хастаме комментариш язъян декхаребира. Уггар хьалха иштта йозанаш дита дезара мехкан куьйгалхочун посташна бухахь. Цунах лаьцна хаамбира дешаран министраллин системера Кавказ.Реалиин хьасташа.
Хьалхо дийцадаьккхира, интернетехь цензурин дозанаш хадо бакъо лучу VPN сервисашна блок тохарх: тестийн блокировкаш дIаяьхьира иштта Оьрсийчоьнан Къилбехь а.
Стохка хаамашкахь дуьйцура, дагестанхойн хьаькамшна юккъерчу барамехь бархI сов сахьт эшарх социалан машанашкахь бахархоша деллачу хеттаршна жоьпаш дала; оцу гайтамца республико Оьрсийчохь тIаьххьарчу меттигех цхьаъ дIалаьцнера.