Кадыров Ахьмадах лаьцна йоза дитарна Кемеровера жигархочунна дуьхьал гIуллакх долийна
Жигархо лецира меттигерчу дарбанан цIийнехь зазадокху-беттан 27-чохь, цигахь дарба дойтуш хиллера иза шена.
Полисхоша а, ФСБ-н белхахоша а теллинера "ВКонтакте" машанахь цо мел йазйина хилла комментарий, йаздо" ОВД-Инфо хьосто, жигархочунна тIетевжина. ДIасавалар доьхкуш, сацам бина Тарышкинан хьокъехь
Хьалхо "Искра" ютуб-каналана йеллачу интервьюхь дийцинера жигархочо шена тIаьхьаболвларх. Стигалкъекъа-беттан йуьххьехь Росфинмониторинго хIоттийначу террорхойн а, экстремистийн а тептаре йазвира иза. Интернетехь цо дечу къамелашна тIехула хьалхо а шозза гIуда тоьхна а ву Тарышкин, дуьйцу ОВД-Инфо-с".
Дечкен-беттан юьххьехь социалан машанехь комментари йитина аьлла, лачкъйира 17 шо долу Теркйистера Борзункаев. Ткъа Эвтарахь лецира 19 шо долу Усманов Iусман. И ший а латттош волу меттиг хууш бац. Телеграм-каналан хаамашца, Шела кIоштарчу полцин декъехь латтош ву и шиъ. ТIехь ницкъбина, бертаза мукIарло дайтина цаьршинга, полисхой байъа дагахь вара шаьшиъ аьлла.
Дечкен-бетан юьххьехь Шинасуьйра-юкъара (Пригородное) 25 шо долу Яхъяев Iела а вигира лаьцна, социалан машанехь коммент йитина аьлла. Нана а яра цуьнан цомгаш.
Чиллан-беттан 2-чохь Iораделира Соьлжа-гIалара 17 шо долу Исраилов Билал а, Iела цIе йолу кIант а лачкъийна вигина аьлла. Каналан информацица, оппозицин дог-ойла хиларца доьзна чохь латтош ву и шиъ.
Чиллан-беттан 5-чохь шайн чуьра араваьккхина дIавигира ГихтIара 60 шо долу Цицаев Сурхо, лайк хIотторна. Цуьнан цIенна го а лаьцна, хIусамера масаьргара а телефонаш дIа а лахьийна, бакъо йоцуш церан цIийнах хьоьвсинера уьш, гинчара дийцарехь. ТIехьа-Мартанан кIоштарчу полицин декъехь латтош ву иза аьлла, хеташ бу каналан авторш.