ԶԼՄ-ները հայտնել են Անջելինա Ջոլիի գաղտնի նշանադրության մասին
Թեև պաշտոնապես Անջելինա Ջոլին և Բրեդ Փիթը դեռևս ամուսիններ են հանդիսանում, ամերիկյան ԶԼՄ-ները վստահ են, որ դերասանուհին արդեն նոր հարաբերություններ է կառուցել, ի դեպ՝ բավականին լուրջ:
Ինչպես հաղորդում Hollywoodlife պարբերականը՝ հղում անելով անանուն աղբյուրին, Ջոլին արդեն մի քանի ամիս է, ինչ հարաբերությունների մեջ է 40-ամյա գործարար և բարերար բրիտանացու հետ: Աղբյուրի տվյալներով՝ Ջոլին և նրա սիրեցյալն իրենց սիրավեպը խիստ գաղտնի են պահում: Դրա մասին չգիտեն ոչ միայն Փիթը, այլև նրան երեխաները:
Նշվում է նաև, որ սիրահարները նշանադրվել են և անգամ հարսանիքի են պատրաստվում: ԶԼՄ-ների տվյալներով՝ այն անցկացվելու է Կամբոջայի ազգային արգելոցներից մեկում՝ համեստ բուդդայական արարողությամբ:
Հիշեցնենք, որ ավելի վաղ լրատվամիջոցները հաղորդում էին Փիթի նոր սիրավեպի մասին երիտասարդ դերասանուհի Էլլա Փերնելի հետ: