Հնդկաստանում 63 մլն կին քիչ է ծնվել` արու զավակի նախընտրության պատճառով
Հնդկաստանում 63 մլն կին ավելի քիչ է ծնվել երեխաների սեռով պայմանավորված ընտրովի ծնունդների պատճառով: Ինչպես հայտնում է Daily Mail-ը՝ այս մասին վկայում է կառավարության հետազոտությունը:
Հնդկաստանում նաև 21 մլն «անցանկանալի ծնված» աղջիկ է ապրում, որոնց հաճախ զրկում են ուտելիքից և բուժօգնությունից և այլ հնարավորություններից, որոնք տրվում են տղաներին:
Հնդկաստանում արու զավակի ծնունդը տոնախմբության է վերածվում ընտանիքում, մինչդեռ աղջկա ծնունդը հաճախ սգի և տխրության առիթ է դառնում հարազատների համար:
Զեկույցում նշվում է, որ եթե մարդիկ չխոչընդոտեն այս երևույթին, ապա կանանց թիվը գնալով կնվազի և մեկ աղջկան 1.05 տղա բաժին կհասնի: Ի դեպ, նշվում է, որ երկրում երեխայի սեռով պայմանավորված հղիության ընդհատումներն անօրինական են: