Spice Girls խումբը մտադիր է համաշխարհային շրջագայության մեկնել. ԶԼՄ-ներ
Բրիտանական վերամիավորված Spice Girls խումբը նախատեսում է համաշխարհային համերգային շրջագայության մեկնել:
Ինչպես տեղեկացնում է TMZ ամսագիրը, Վիկտորիա Բեքհեմը, Էմմա Բանթոնը, Ջերի Հոլիուելը, Մելանի Բրաունը և Մելանի Չիսհոլմը պատրաստվում են համերգներով հանդես գալ Մեծ Բրիտանիայում և ԱՄՆ-ում:
Ինչպես նշվում է, անցյալ շաբաթ խմբի մասնակիցները հանդիպել են իրենց նախկին մենեջեր Սայմոն Ֆուլլերի հետ առաջիկա գործողությունների ծրագիրը կազմելու համար, իսկ նրանց նպատակը համաշխարհային շրջագայությունն է, որը մեկնարկելու է ամռան վերջին:
Ավելի վաղ հաղորդվում էր, որ Վիկտորիա Բեքհեմը հաստատել է խմբի հետ վերամիավորվելու փաստը: