Apple-ը կոբալտ գնելու համար սկսել է բանակցել անմիջապես արդյունաբերող ընկերությունների հետ
Ամերիկյան Apple ընկերությունը կոբալտ գնելու շուրջ բանակցություններ է վարում անմիջապես լեռնաարդյունաբերական ընկերությունների հետ:
Ինչպես գրում է Bloomberg-ը՝ վկայակոչելով քաջատեղյակ աղբյուրների, տեխնոլոգիական ընկերությունն այսպիսով հույս ունի ապահովել սարքավորումների մարտկոցների համար նախատեսված հիմնական տարրի բավականաչափ պաշար: Apple-ը հանդիսանում է կոբալտի համաշխարհային խոշորագույն սպառողներից մեկը:
Աղբյուրներից մեկի համաձայն՝ նախատեսվում է արդյունահանող ընկերությունների հետ մի քանի հազար տոննա կոբալտ ձեռք բերելու պայմանագիր կնքել 5 տարի և ավելի ժամկետով:
Հիշեցնենք, որ Samsung-ն օրեր առաջ հայտարարել էր, որ մտադիր է վերամշակել իր սմարթֆոնների հին մոդելներն ու հանել դրանցում օգտագործված կոբալտը: