5 իրավիճակ, երբ չի կարելի ջուր խմել
Շատերն են իրենց հետ ջուր վերցնում մարզասրահ այցելելիս կամ սովոր են ջուր խմել ճաշելու ժամանակ, սակայն այս սովորությունները վնաս են հասցնում մեր օրգանիզմին: Այս մասին գրելով՝ AdMe.ru-ն ներկայացնում է իրավիճակներ, երբ չի կարելի է ջուր խմել:
1. Չի կարելի ջուր խմել անմիջապես քնելուց առաջ
Քնելուց առաջ ջուր չխմելու երկու հիմնական պատճառ կա: Մեկն այն է, որ դա կարող է խախտել քնի ռեժիմը: Հնարավոր է, որ ստիպված լինեք գիշերն արթնանալ՝ զուգարան գնալու համար և դժվարանաք նորից քուն մտնել: Երկրորդն այն է, որ գիշերը երիկամներն ավելի դանդաղ են աշխատում, քան ցերեկվա ժամերին, ինչի պատճառով առավոտյան արթնանալիս կարող եք դեմքի և վերջույթների այտուցվածություն նկատել:
2. Չի կարելի ջուր խմել ակտիվ մարզումների ժամանակ
Գիտնականների կարծիքով՝ մարզական ծանրաբեռնվածության ժամանակ հեղուկի օգտագործումը կարող է ինքնազգացողության վատթարացման հանգեցնել վարժանքի ժամանակ կամ դրանից հետո: Պատճառն այն է, որ մարզվելիս, մարդ ավելի շատ է ծարավում, քանի որ քրտնում է, սակայն ջրի չափազանց շատ օգտագործումը կարող է բերել էլեկտրոլիտների վերացմանը: Մարդու մոտ կարող է սրտխառնոց սկսվել:
3. Չի կարելի ջուր խմել կծու ուտելիքից հետո
Հատկապես եթե խոսքը չիլի պղպեղի մասին է: Կծու ուտելիք ծամելիս արտադրվում է կապսիացին նյութը, որի տհաճ հետևանքնեը կարելի է վերացնել միայն նմանատիպ մոլեկուլ պարունակող սննդամթերք օգտագործելով, ինչպես օրինակ՝ կաթը կամ կարագը:
4. Չի կարելի ջուր խմել ուտելու ժամանակ և ուտելուց անմիջապես հետո
Ճաշելիս ջուր խմելը կարող է մարսողության խանգարում առաջացնել: Ուտելիս մեր օրգանիզմում անհրաժեշտ քանակությամբ թուք է արտադրվում սնունդը մարսելու համար, իսկ ջրի օգտագործման պարագայում դրա քանակը նվազում է:
5. Շատերը գիտեն, որ չի կարելի ծովի ջուր օգտագործել, սակայն չգիտեն՝ ինչու
Առաջին հերթին, ափամերձ ջրերում կարող են պաթոգեն վիրուսներ տարածված լինել: Երկրորդ հերթին, ծովի ջուրն այնքան մեծ քանակությամբ աղ է պարունակում, որ մեր օրգանիզմին էլ ավելի մեծ քանակությամբ ջուր պետք կլինի այն դուրս բերելու համար: