Բաքվում խոշոր հրդեհ է բռնկվել անվադողերի պահեստում
Բաքվի Բինագադի շրջանի գործարաններից մեկի տարածքում բռնկվել է օգտագործված ավտոմոբիլային անվադողերի պահեստը: Այս մասին հայտնում է Gazeta.ru-ն՝ հղում անելով Ադրբեջանի արտակարգ իրավիճակների նախարարությանը:
Գերատեսչությունից հաստատել են, որ հրդեհ է բռնկվել ավտոմոբիլային անվադողերի գործարանում: «Հրդեհի հետևանքով բազմաթիվ անվադողեր են այրվել: Դեպքի վայր են ուղարկվել ԱԻՆ հրշեջ հաշվարկները: Հրդեհը մարել դեռևս չի հաջողվել: Այդ ուղղությամբ աշխատանքներ են տարվում», - ասվում է ԱԻՆ հաղորդագրության մեջ:
Նշվում է նաև, որ միջադեպի վայրում են գտնվում նաև պետական հակահրշեջային ծառայության ուժերը: