ԱԱ-2018` Արգենտինան դժվարությամբ հաղթեց ու դուրս եկավ փլեյ-օֆֆ (տեսանյութ)
Աշխարհի 2018 թվականի առաջնությունան խմբային փուլում կայանում են վերջին տուրի հանդիպումները:
D խմբում Արգենտինայի հավաքականը մրցեց Նիգերիայի հետ:
Թեժ պայքարում անցած խաղում Սամպաոլիի ֆուտբոլիստները հաղթանակ տարան 2:1 հաշվով: Խաղի հաշիվը բացեց Մեսսին` այս առաջնությունում խփելով իր առաջին գոլը:
Երկրորդ կեսում Նիգերիան հավասարեցրեց հաշիվը: 11 մետրանոցից աչքի ընկավ Մոսեսը: Նիգերիան ևս մեկ 11 մետրանոց կարող էր վաստակել: Իր տուգանային հրապարակում ձեռքով խաղաց Ռոխոն, սակայն գլխավոր մրցավարը VAR-ի օգնությամբ որոշում կայացրեց չնշանակել 11 մետրանոց հարված:
Հանդիպման վերջում Ռոխոն, դառնալով գեղեցիկ գոլի հեղինակ, հաղթանակ պարգևեց իր թիմին:
Խմբի մյուս խաղում Խորվաթիան 2:1 հաշվով հաղթել է Իսլանդիային:
Արգենտինան D խմբում վաստակեց 4 միավոր ու երկրորդ հորիզոնականով դուրս է գալիս փլեյ-օֆ: Առաջին հորիզոնականը 9 միավորով զբաղեցրեց Խորվաթիան: Նիգերիան 3 միավորով կլինի երրորդը: Իսլանդիան 1 միավորով 4-րդը: