Աշխարհի առաջնությանը հրաժեշտ է տալիս նաև Բրազիլիան. առաջին կիսաեզրափակիչը՝ Ֆրանսիա-Բելգիա
Քառորդ եզրափակիչի խաղում ուրբաթ ուշ երեկոյան Բելգիայի հավաքականը 2:1 հաշվով առավելության հասավ Բրազիլիայի թիմի նկատմամբ և դուրս եկավ կիսաեզրափակիչ, որտեղ հուլիսի 10-ին կհանդիպի Ֆրանսիայի ընտրանու հետ։
Ֆրանսիան նույն օրը ավելի վաղ 2:0 հաշվով հաղթեց Ուրուգվային։
Աշխարհի առաջնությանը նախորդ փուլերում արդեն հրաժեշտ են տվել աշխարհի քառակի և գործող չեմպիոն Գերմանիայի, Եվրոպայի չեմպիոն Պորտուգալիայի, աշխարհի կրկնակի չեմպիոն Արգենտինայի, աշխարհի և Եվրոպայի նախկին չեմպիոն Իսպանիայի ընտրանիները։
Շաբաթ օրը կկայանան քառորդ եզրափակիչի Շվեդիա-Անգլիա և Ռուսաստան-Խորվաթիա խաղերը, որոնցում հաղթողները հուլիսի 11-ին կհանդիպեն երկրորդ կիսաեզրափակիչում։