Մահացել է The Cranberries խմբի մենակատար Դոլորես Օ՛Ռիորդանը
Լոնդոնում 46 տարեկանում կյանքից հեռացել է The Cranberries իռլանդական ռոք խմբի մենակատար Դոլորես Օ՛Ռիորդանը: Այս մասին հայտնում է BBC News-ը՝ հղում անելով երգչուհու ներկայացուցչին:
«Մենակատարը The Cranberries իռլանդական խմբի հետ եղել է Լոնդոնում՝ ձայնագրություն անելու համար: Ընտանիքի անդամներին ցնցել է այս լուրը. նրանք գաղտնիություն են խնդրում այս շատ ծանր պահին», - նշել է աղբյուրը:
Այլ մանրամասներ դեռ չեն հաղորդվում: Նշվում է, որ նրա մարմինը հայտնաբերվել է Լոնդոնի հյուրանոցներից մեկի համարում: