Գերմանիայում տոնում են աշխարհի ամենատարեց համրուկի հոբելյանը
Գերմանական կենդանաբանական այգիներից մեկում տոնում են Պաուլա անունով համրուկի 50-ամյակը, որը դարձել է աշխարհում հայտնի համրուկների ամենատարեց ներկայացուցիչը:
Ինչպես հայտնում է BBC News-ը, Պաուլան բնակվում է Գերմանիայի կենտրոնական հատվածում գտնվող Հալլե քաղաքի կենդանաբանական այգում: 50-ամյա հոբելյանի առթիվ կենդանուն ընդգրկել են Գինեսի համաշխարհային ռեկորդների գրքում:
Ինչպես աղբյուրն ընդգծում է, ռեկորդը գրանցվել է համրուկների միջազգային օրվան ընդառաջ, որը տոնվում է հոկտեմբերի 20-ին:
Նշվում է, որ Պաուլան երկու տարեկան է եղել, երբ Հարավային Ամերիկայից տեղափոխվել է Գերմանիա, սակայն 20 տարուց ավելի կենդանաբանական այգու աշխտակիցները կարծել են, որ Պաուլան արու է: Կենդանու իրական սեռը նրանք բացահայտել են միայն 1995-ին ուլտրաձայնային հետազոտության միջոցով: