Լուկաշենկո. «Բելառուսը մասնակցում է հատուկ ռազմական օպերացիային, բայց զինվորներ չի ուղարկել»
Բելառուսի նախագահ Ալեքսանդր Լուկաշենկոն այսօր խոստովանել է, որ իր երկիրը մասնակցում է Ռուսաստանի վարած հատուկ ռազմական օպերացիային, բայց զինվորներ չի ուղարկել:
«Ինչ վերաբերվում է մեր մասնակցությանը {Ուկրաինայում Ռուսաստանի հատուկ ռազմական գործողությանը}, ապա այո, մենք այնտեղ մասնակցում ենք: Դա չենք թաքցնում: Մենք ոչ մեկին չենք սպանում, մենք մեր զինվորներին չենք ուղարկում, մենք չենք խախտում մեր պարտավորությունները»,- ասել է նախագահը ռազմական հարցերով խորհրդակցության ընթացքում:
Նրա խոսքով, Բելառուսի նպատակն է կանխել պատերազմի տարածոմը Բելառուսի վրա:
«Մենք պետք է թույլ չտանք, որ Լեհաստանի, Լիտվայի և Լատվիայի կողմից Բելառուսին թիկունքից հարվածեն: Եվ ինչպես ես արդել ասել եմ՝ ռուսների թիկունքին էլ ոչ ոք չի հարվածի Բելառուսից».- հայտարարել է Ալեքսանդր Լուկաշենկոն:
Բելառուսում, ըստ Լուկաշենկոյի, նաև բուժօգնություն են տրամադրում Ուկրաինայում պատերազմից տուժածներին:
«Եվ ոչ միայն ռուսաստանցիներին».- նշել է Բելառուսի նախագահ Լուկաշենկոն:
Բացի այդ, նրա խոսքով, Բելառուսը մարդասիրական օգնություն է տրամադրում փախստականներին, «խեղճ մարդկանց, ովքեր ամեն օր՝ 400-500 հոգով են ժամանում»:
Լուկաշենկոն ասել է նաև, թե Ուկրաինան անհանգստանում է, որ Բելառուսը կներքաշվի պատերազմի մեջ, «բայց հենց Ուկրաինան է մինչև 15 հազարի հասնող բանակ բերել մեր սահմանի մոտ»: