Ինտերը հաղթեց և կխաղա ՉԼ փլեյ-օֆֆ փուլում, Մխիթարյանը՝ գոլի հեղինակ
Չեմպիոնների լիգայի խմբային փուլի 5-րդ տուրում «Ինտերը» սեփական հարկի տակ ընդունել է Պլզենի «Վիկտորիային» և 4 անպատասխան գնդակ ուղարկել մրցակցի դարպասը։
Հանդիպման հաշիվը խաղի 35-րդ րոպեին բացել է միլանյան թիմի հայ կիսապաշտպան Հենրիխ Մխիթարյանը՝ գլխի հարվածով դառնալով գոլի հեղինակ։ Ի դեպ, Չեմպիոնների լիգայում Մխիթարյանը վերջին անգամ գոլի հեղինակ էր դարձել 2017 թվականին։
Առաջին կեսի վերջնամասում Էդին Ջեկոն կրկնապատկել է իր թիմի առավելությունը ,իսկ երկրորդ կեսում նաև դուբլ է ձևակերպել։ 86-րդ րոպեին էլ Ռոմելու Լուկակուն ձևակերպել է հանդիպման վերջնահաշիվը։
«Ինտերը» 5 խաղից հետո 10 միավոր է վաստակել և C խմբի մրցաշարային աղյուսակը 2-րդ հորիզոնականն է զբաղեցնում։ «Վիկտորիան» 0 միավորով վերջին տեղում է։ «Բարսելոնան», որը մեկ խաղ պակաս է անցկացրել, 4 միավոր ունի։