Հայկ Սարգսյանը մտահոգված է՝ հաշվի առնելով, որ վարչապետն է նշանակելու ներքին գործերի նախարարության ծառայությունների պետերին, բա որ նախարարի հետ հաշտ չլինե՞ն
Ըստ Հայկ Սարգսյանի՝ ՊՆ-ում, երբ կա նախարար ու ԳՇ պետ, հորիզոնական կառավարումը պատերազմի ժամանակ շատ խանգարեց. «Հաճախ խառնում են, չգիտեն ում դիմեն՝ ԳՇ-ն է անո՞ւմ, թե՞ նախարարը: Կարող է խզում առաջանա ՆԳ նախարարի ու երեք ծառայությունների միջեւ՝ հատկապես հաշվի առնելով, որ վարչապետն է նշանակում ծառայությունների պետին: Շատ հնարավոր է, որ նախարարը եւ այս 3 ծառայություններից մեկի պետը իրար հետ հակասության մեջ մտնեն, ինչը կբերի ծառայութան որակի իջեցման: Ո՞նց ենք անելու, որ հորիզոնական կառավարումը չխանգարի»: