Անջելինա Ջոլին կհեռանա ՄԱԿ փախստականների հարցերով գերագույն հանձնակատարի հատուկ ներկայացուցչի պաշտոնից
Անջելինա Ջոլին լքել է ՄԱԿ-ի փախստականների հարցերով գերագույն հանձնակատարի հատուկ ներկայացուցչի պաշտոնը, որը նա զբաղեցնում էր 2001 թվականից, ասվում է ՄԱԿ ՓԳՀ-ի կայքում տեղադրված հայտարարության մեջ։
«ՄԱԿ-ի փախստականների գործակալության հետ ավելի քան 20 տարվա նվիրված աշխատանքից հետո, Անջելինա Ջոլին հեռանում է հատուկ բանագնացի աշխատանքից՝ անցնելով մարդասիրական և մարդու իրավունքների հարցերի ավելի լայն շրջանակի»,- ասվում է փաստաթղթում։
Կազմակերպությունը հավելում է, որ Անջելինա Ջոլին կշարունակի աշխատել ավելի հավասար, արդար և ներառական միջազգային համակարգի ուղղությամբ։
«Առաջիկա տարիներին ես կշարունակեմ անել ինձնից կախված ամեն ինչ՝ աջակցելու փախստականներին և այլ տեղահանված մարդկանց: ՄԱԿ-ի համակարգում 20 տարի անց, կարծում եմ, որ ժամանակն է, որ ես այլ կերպ աշխատեմ՝ անմիջականորեն ներգրավվելով փախստականների և տեղական կազմակերպությունների հետ՝ աջակցելով լուծումներ գտնելու նրանց ցանկությանը»,- ասված է դերասանուհու հայտարարության մեջ։