Ամերիկյան զորքերը Ուկրաինայում չեն կռվի․ Ջոն Քիրբի
Ամերիկյան զորքերը Ուկրաինայում չեն կռվի։
Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին ճեպազրույցում՝ ի պատասխան Ֆրանսիայի նախագահ Էմանուել Մակրոնի՝ դաշնակիցներին «վախկոտություն չցուցաբերելու» կոչը մեկնաբանելու խնդրանքին։
Փոխանցում է ՏԱՍՍ-ը։
«Ես չեմ վերլուծի նախագահ Մակրոնի խոսքերը: Նա, անշուշտ, իրավունք և հնարավորություն ունի արտահայտելու իր կարծիքը:
Ես կարող եմ խոսել միայն Բայդենի՝ գլխավոր հրամանատարի անունից»,- ասել է Քիրբին։
«Նա Ուկրաինայում հակամարտության հենց սկզբից հասկացրեց, որ ամերիկյան զորքերը չեն կռվի ուկրաինական տարածքում»,- ընդգծել է նա։