Չինաստանն ու Ֆրանսիան ջանքեր կգործադրեն Իրանի միջnւկային խնդիրը խաղաղ ճանապարհով լուծելու համար. Սի Ծինփինի և Մակրոնի հայտարարությունը
Չինաստանի ղեկավար Սի Ծինփինը և Ֆրանսիայի նախագահ Էմանուել Մակրոնը բանակցություններից հետո համատեղ հայտարարությամբ հանդես են եկել Իրանի միջուկային խնդրի խաղաղ կարգավորման օգտին։ Այս մասին հայտնում է Չինաստանի կենտրոնական հեռուստատեսությունը, փոխանցում է ՏԱՍՍ-ը։
«Չինաստանը և Ֆրանսիան վերահաստատում են, որ ջանքեր կգործադրեն իրանական միջուկային խնդրի՝ քաղաքական և դիվանագիտական ուղիներով լուծմանը նպաստելու համար», - ասվում է Սիի և Մակրոնի համատեղ հայտարարության մեջ։
Ապրիլի 10-ին The Washington Post-ը, հղում անելով աղբյուրներին, գրել էր, որ Իրանն ավելի քան երբևէ մոտ է միջուկային զենք ստեղծելուն, ինչը 2018 թվականին միջուկային գործարքից ԱՄՆ-ի դուրս գալու հետևանք է։ Ապրիլի 20-ին գերմանական Bild թերթը գրել էր, որ երկիրը կարող է միջուկային զենք ստանալ ընդամենը մի քանի շաբաթվա ընթացքում։