«Ռսի շպիոն (ստրուկ)» թեման մաշվում է
Եվ մյուս կողմից հարց է առաջանում՝ ինչո՞ւ պիտի Պուտինը ցանկանա պաշտոնանկ անել Փաշինյանին: Վերջերս Հայաստանի վարչապետը գնացել էր Մոսկվա եւ ինչ-ինչ (հրապարակային ու ոչ հրապարակային) պայմանավորվածություններ ձեռք բերել ՌԴ նախագահի հետ: Ինչո՞ւ պետք է վերջինս կրքոտ ձգտում ունենա ազատվելու այն գործընկերոջից, որի հետ կարողանում է լեզու գտնել: Պարզ է՝ Կրեմլում շատ չեն տխրի, եթե Փաշինյանը հեռանա (երկու ղեկավարների միջեւ «քիմիա» չկա), բայց այստեղ ներքաղաքական պայքար կազմակերպել, այն էլ Կանադայի քաղաքացու միջոցո՞վ: Come on, ինչպես կասեին Տավուշում: