თბილისის საქალაქო სასამართლომ საქართველოს ყოფილი პრეზიდენტი, მიხეილ სააკაშვილი დამნაშავედ ცნო სამსახურებრივი უფლებამოსილების გადამეტებაში და დაუსწრებლად მიუსაჯა სამი წლით თავისუფლების აღკვეთა. განაჩენი 5 იანვარს გამოაცხადა თბილისის საქალაქო სასამართლოს მოსამართლემ გიორგი არევაძემ. პროკურატურის განცხადებით, პრეზიდენტობის პერიოდში, მიხეილ სააკაშვილმა კუდ-ის იმჟამინდელ ხელმძღვანელს დათა ახალაიას მისცა სანდრო გირგვლიანის მკვლელობისთვის მსჯავრდებულების შეწყალების უკანონო დაპირება და შეწყალების კომისიის გვერდის ავლით შეიწყალა გერონტი ალანია, მიხეილ ბიბილურიძე, ავთანდილ აფციაური და ალექსანდრე ღაჭავა.
