გუდაუთის რაიონში ცეცხლი გაუხსნეს აფხაზეთის დე-ფაქტო რესპუბლიკის საპრეზიდენტო არჩევნების კანდიდატის შტაბს
„სროლის მოტივი სავსებით ნათელია. ამ ბოროტმოქმედებას ვაფასებთ საარჩევნო შტაბის წარმომადგენელთა დაშინების მცდელობად. მაგრამ ეს მცდელობები აზრს მოკლებულია. ჩვენ ვაცხადებთ, რომ მყარად გვაქვს გადაწყვეტილი, გავაგრძელოთ ჩვენი საქმიანობა საარჩევნო კანონის ფარგლებში,“ აღნიშნულია საარჩევნო შტაბის უფროსის, ლეონიდ ლაკერბაიას განცხადებაში. ამის თაობაზე „აფხაზია-ინფორმი“ იტყობინება.
კანდიდატის შტაბში ასევე იმედოვნებენ, რომ სამართალდამცავი სტრუქტურები ქმედით ზომებს მიმართავენ „მოცემული ბოროტმოქმედების გასახსნელად“.