ისრაელის გენერალურმა პროკურატურამ კორუფციის ბრალდება წაუყენა ბენიამინ ნეთანიაჰუს
იმის შესახებ, რომ პრემიერს კორუფციაში ბრალის წაყენებას უპირებდნენ სამ საქმესთან დაკავშირებით, ჯერ კიდევ თებერვალში გახდა ცნობილი. პროკურორებმა მაშინ განაცხადეს, რომ ნეთანიაჰუ მდიდარი ბიზნესმენებისგან იღებდა საჩუქრებს, რომელთა საერთო ღირებულებაა 300 ათასი დოლარი. ასევე მედიაბიზნესის წარმომადგენლებს სამსახურს უწევდა მისი მოღვაწეობის უფრო დადებითი გაშუქების სანაცვლოდ. ნეთანიაჰუ ყველა ბრალდებას უარყოფს.
ნეთანიაჰუს მიმართ ბრალდებების ფონია პოლიტიკური კრიზისი ისრაელში. სექტემბერში გამართული განმეორებითი საპარლამენტო არჩევნების შემდეგ ქვეყანაში კვლავაც ვერ ხერხდება მთავრობის ჩამოყალიბება. ნეთანიაჰუს წარუმატებელი მცდელობის შემდეგ იგივე ბედი ეწია ოპოზიციის ლიდერს, ბენი განცს. დიდი ალბათობით გიმართება კიდევ ერთი არჩევნები.