მარინა ეზუგბაია: გვყავს სამი მძიმე ავადმყოფი
„ჩვენ ამ ეტაპზე გვყავს სამი მძიმე ავადმყოფი. ორი ქალბატონი შედარებით ასაკოვანი. ერთს აქვს თანარსებული დაავადება, ჰიპერტონული დაავადება, მეორეს რომელიც უფრო მაღალი ასაკით მაღალ რისკში გადის, მძიმე ნევრლოგიური დაავადება. ორივე პაციენტი ისევ პროგნოზულად, პროგრესირების თვალსაზრისით მძიმე პაციენტებად მოიაზრებიან. კიდევ ერთი პაციენტი გვყავს მძიმე, რომელიც გუშინ დაგვემატა. შუახანს გადაცილებული პირია, რომელსაც თანარსებული დაავადება აქვს შაქრიანი დიაბეტის სახით და საკმაოდ მძიმე პნევმონია. დაწყებულია მკურნალობა, ვნახოთ დინამიკაში რა სიტუაცია გვექნება. ამ წუთში თითქოს სტაბილური სიტუაციაა, მაგრამ ამ პაციენტთანაც პროგნოზი შეიძლება სერიოზული იყოს.,- განაცხადა მარინა ეზუგბაიამ.
22 მარტის 20 საათის მონაცემებით, საქართველოში ახალი კორონავრუსით 54 ადამიანია დაინფიცირებული. გამოჯანმრთელდა 3. გამოჯანმრთელებულმა მესამე პაციენტმა თბილისის ინფექციური საავადმყოფო 22 მარტს 15 საათისთვის დატოვა.