ვაჟა სირაძე: ეკლესიებში მრევლის დიდი რაოდენობა არ შეინიშნება

შსს-ს საპატრულო პოლიციის დეპარტამენტის დირექტორმა, ვაჟა სირაძემ ჟურნალისტებთან საუბრისას განაცხადა, რომ საქართველოს ყველა ტაძართან საპატრულო პოლიციის თანამშრომლები დგანან და იქაუროაბს აკონტროლებენ, ასევე მოუწოდებენ ტაძრებში მისულ მოქალაქეებს დაიცვან სოციალური დისტანცია


ვაჟა სირაძე ამბობს, რომ კომენდანტის საათის პირობებში დარღვევები ამ დრომდე არ გამოვლენილა.


„მდგომარეობა მშვიდია, ეკლესიებში მრევლის დიდი რაოდენობა არ შეინიშნება და მინდა, მადლობა გადავუხადო მრევლს, რომელიც ამ სიტუაციას გაგებით ეკიდება“, – განაცხადა საპატრულო პოლიციის უფროსმა.