ბაიდენი გაროს გენერალურ ასამბლეაზე: "ვიწყებთ შეუპოვარი დიპლომატიის ერას"

აშშ-ის პრეზიდენტმა ჯო ბაიდენმა დაიცვა ავღანეთიდან ჯარების გაყვანა გაეროში თავის პირველ გამოსვლაში და თქვა, რომ მისი მთავრობა ცდილობს დიპლომატიაზე იყოს ფოკუსირებული მსოფლიოში მრავალრიცხოვან გამოწვევებთან დაკავშირებით.


„ჩვენ დავასრულეთ ავღანეთში 20-წლიანი კონფლიქტი და მას შემდეგ, რაც დავხურეთ შეუპოვარი ომის ერა, ვიწყებთ შეუპოვარი დიპლომატიის ერას,“ თქვა ბაიდენმა 21 სექტემბერს გაეროს გენერალურ ასამბლეაზე გამოსვლისას.


მან გაიმეორა, რომ აშშ-ის შეიარაღებული ძალები „არ უნდა გამოიყენებოდეს პასუხად ყველა პრობლემაზე, რასაც კი ვხედავთ მსოფლიოს მასშტაბით.“


„მისია ნათელი და მისი მიღწევა შესაძლებელი უნდა იყოს, უნდა ხორციელდებოდეს ამერიკელი ხალხის თანხმობით და, როცა კი შესაძლებელია, ჩვენს მოკავშირეებთან პარტნიორობით,“ თქვა ბაიდენმა.


მისი თქმით, „წარსულის ომების გაგრძელების ნაცვლად ჩვენი მზერა მიმართულია“ სხვა გლობალურ პრობლემებზე, როგორიცაა COVID-19-ის პანდემია, კლიმატური ცვლილებები და ადამიანის უფლებების დარღვევები.


ბაიდენის თქმით, მსოფლიო „გარდატეხის ეტაპზე“ დგას უამრავი კრიზისის პირობებში და გამოწვევებზე რეაგირება „დამოკიდებული იქნება ჩვენს უარზე, აღვიქვათ ჩვენი საერთო ადამიანობა.“


მან ასევე თქვა, რომ მსოფლიოს სჭირდება „გლობალური ძალების დინამიკის“ მშვიდობიანი მართვა.


მას არ უხსენებია ჩინეთი, მაგრამ მიანიშნა დაძაბულობაზე ვაშინგტონსა და პეკინს შორის. აქვე მან დასძინა, რომ აშშ-ს არ სურს „ახალი ცივი ომი ან მსოფლიოს დაყოფა მყარად ქცეულ ბლოკებად.“


„შეერთებული შტატები მზადაა ითანამშრომლოს ნებისმიერ ქვეყანასთან, რომელიც აქტიურობას გამოიჩენს და მიესწრაფის მშვიდობიან მოგვარებას, რათა გავინაწილოთ პრობლემები, მიუხედავად იმისა, რომ სერიოზული უთანხმოება გვაქვს სხვა სფეროებში,“ თქვა ბაიდენმა.